輸入自己既PR卡號碼、姓氏同出生年月日，查詢你PR卡既處理進度。

1。In Process: PR審查中心既移民官已經開始審核你既申請

⇒ 如果申請順利就可以直接進入下一步：Decision Made

⇒ 如果移民官覺得你既申請資料有問題就需要補充相應既資料

2。Decision Made

⇒ 通過審核：移民局會係4星期內向你發放PR卡領取通知書，只要拎住呢張通知書同ID證件就可以係加拿大指定既移民局拎PR卡啦！

⇒ 未通過審核：面對呢個情況，你可以進行申訴（申訴成功既話，你就可以順利拎到PR卡）

STEP 5: 等移民局發出既PR卡領取通知書（正常需時4-6星期）

STEP 6: 拎PR卡

一般PR卡處理時間為8-12星期，你需要親自到通知書提及既指定地點領取PR 卡。移民局係製卡後只會為你保存180日，如果未可以係期限內領取，PR會被銷毀，你亦需要重新提出申請。

♦ 有PR卡就代表係加拿大永久居民？

其實PR卡只係加拿大永久居民身分證明文件之一，一般情況下只係「假定」為加拿大永久居民，有PR卡吾代表你一定具有永久居民身份或者認定為加拿大國民。而且有好多時候，某啲持卡人已經喪失左永久居民身份，例如未能夠滿足最低居住要求、有犯罪紀錄等。

如果要保持永久居民身分，你需要證明係提出申請既過去5年內係加拿大住滿或超過730日。要注意既係，居住時間並未由首次登陸或PR簽發時間開始計，而係由你提出核定永久居民身分開始計！

以下係幾種申請人會提出核定永久居民身分申請：

1. 申請入境加拿大
2. 申請更新或補發PR卡
3. 申請永久居民旅行證件

移民局會核實申請人永久居民身分係咪有效，然後決定係咪要批准對應既申請。如果你吾清楚居住時間到底係點計既話，可以係移民局提供既官方工具進行查詢：